بۇگىندە قازاقستاندىق  جەڭىل اۆتو كولىك ءتۇتىنۋشىلارى اراسىندا "مەملەكەتتىك نومىرلەردى"  جاپپاي ساتىپ الۋ ناۋقانى باستالعان.

ال رەسمي دەرەك كوزدەرىندە ونداي نومەرلەردىڭ قۇنى ستاندارتتى نومەرلەرمەن سالىستىرعاندا ق ر زاڭىندا كورسەتىلگەن "جول ءجۇرۋ ەرەجەسىندەگى" رەگلامەنتتەن  10 ەسە  قىمباتقا باعالانادى.

جەڭىل اۆتو كولىكتەرگە ارنالعان "ءبىرىڭعاي ساندىق رەتتەگى" 100، 111، 200، 222، 300، 333، 400، 444، 500، 555، 600، 666، 700، 800، 888، 900، 999 نومىرلەر مرپ مولشەرىنە ساي - 13 700 اقش دوللارىنا باعالانادى. ال 2015 جىلعا بەكىتىلگەن رەگلامەنتتە 1 مرپ - 1982 تەڭگەگە جەتكەن. ياعني، 13 700 % تەڭگە باعامىنا شاققاندا - 271 534 تەڭگە.  سونداي-اق، "ەرەكەش ساندىق رەتتەگى" 001، 002، 003، 004، 005، 006، 007، 008، 009، 777 نومىرلەردىڭ باعاسى - 22 800 % قۇرايدى. بۇل تەڭگەمەن ەسەپتەگەندە 451 896 تەڭگەنىڭ توڭىرەگىندە بولادى.

سونىمەن قاتار، ۇيقاس ارىپتىك جانە ساندىق رەتتەگى مىسالى، 101، 696 نەمەسە ZZZ، KAZ يا بولماسا HAN سەكىلدى نومىرلەردىڭ دە باعاسى اسپانداپ تۇر. ال شەنەۋنىكتەر بولسا،  مەملەكەتتىك ليسەنزياسى بار وسىنداي سيرەك كەزدەسەتىن نومىرلەر جەكە ساتىلىمدا جوق دەۋدەن تانباۋدا. ءتيىستى ورگانداعىلار ءوز كەزەگىندە "نومىرلەر جالپىعا بىردەي بەرىلەدى جانە كىمگە قانداي ءنومىر تيەسىلى بولادى ونى - كومپيۋتەر انىقتايدى"  دەيدى.

دەسە دە، "كازنەتتىڭ" بەتىندە اتالمىش سەريالى نومەرلەردى جەكە ساتىلىمعا ۇسىناتىن حابارلاندىرۋلار قازاقستاننىڭ بارلىق ايماقتارىندا كەزدەسەدى.  ول جەردە سەريالى نومىرلەردىڭ ەڭ تومەنگى باعاسى 3000 دوللار بولسا، تەڭگەگە شاققاندا 560 مىڭ كولەمىندە بولادى. ال ZZZ، PPP، NNN سەكىلدى نومىرلەر ءسال قىمباتىراق ەكەن. جوعارىداعى كورسەتىلگەن سەريالى نومىرلەردىڭ قۇنى - 1 ميلليوننىڭ ار جاق - بەر جاعىندا.